Hapja e Web-faqes së Kuvendit Komunal të Rahovecit është edhe një dritare e re, prej nga qytetarët e Rahovecit mund të informohen për të gjitha të arriturat, por edhe për sfidat me të cilat përballet çdo ditë administrata e Komunës së Rahovecit. Përmes kësaj faqeje, qytetarët e Komunës së Rahovecit tash e tutje, jo vetëm që mund t’i përcjellin të gjitha punët dhe aktivitetet e Komunës së Rahovecit, por ata edhe mund t’i shprehin vizionet dhe sugjerimet e tyre për qytetin e tyre ku jetojnë e punojnë. Web-faqja e Komunës së Rahovecit, e cila përgatitet nga Zyra Teknologjisë Informative është edhe një urë lidhëse midis udhëheqjes së Kuvendit Komunal dhe qytetarit, si dhe një çasje e re për t’i avancuar projektet, të cilat na presin në të ardhmen. Bashkëpunimi i qytetarëve me administratën e Komunës së Rahovecit, gjithmonë është i mirëpritur.